Юздаги моҳ

Кўнгил боғида баҳори гуллаганлар кўп,

Туйғулари самимий-ю дилда тала-тўп.

Ичда ободлик, маъсумлик масъул,

Юзда нафислик, ҳаёси мақбул.

Қалби изғиринлилар бор, фасли баҳорсиз,

Ўйлари тўкилган хазондек, асли оҳорсиз.

Ичдан нураган, янгиланиш ёт,

Юзда чизгилар чекади фарёд.

Янгиланган сурурли бир баҳорга айлан,

Эзгуликлар куртаги-ла пайвандга шайлан.

Ичда шам ёқиб этсанг нурафшон,
Юзда моҳ жилва қилгайдир ишон.

Муслима Ёдгорова