Китобнинг бетида дурлар мўъжиза

Кўзлар саралайди ҳарфлар нақшини,

Тинглай ол таралган сўзлар баҳсини.

Ўз-ўзинг тера ол маъно нақдини,

Соз эрур очолсанг дилнинг баҳрини.

Қаламдан қолган у излар мўъжиза,

Китобнинг бетидан изла мўъжиза.

Изтироб яшайди сўзлардан тониб,

Хаёлот яйрайди ҳарфлар бўйида.

Илҳом сеҳри жўшгай кўзлардан қониб,

Заковат уйғонар ҳикмат ўйида.

Қаламдан қолган у излар мўъжиза,

Китобнинг бетида сўзлар мўъжиза.

Ўқийсан, белгилар улашиб кетгай,

Уқасан, гапларнинг мағзини чақиб.

Маърифат сайрига сабронинг етгай,

Қара, пешонангга диққатни тақиб.

Тафаккур туҳфаси сўзлар мўъжиза.

Китобнинг бетида излар мўъжиза.

Ҳаётнинг нусхаси тин олар унсиз,

Тарих чизгилари жимирлар унда.

Битикларни ўқиб бўлинг мамнун сиз,

Компьютер ёзғичдир ҳозирги кунда.

Монитор сатҳида нурлар мўъжиза,

Китобнинг бетида дурлар мўъжиза.

Муслима Ёдгорова