Эй, хокисор кўнгил

Эй, ғўр кўнгил, нотавон кўнгил,
Дунё ишқи ўртамиш бағринг.
Жон тузоқда қайғуси тузоқ,
Нафс ўпқониб,
тўларми баҳринг.

Эй, ўр кўнгил, бедармон кўнгил,
Биркам дунё,
етмасми боринг.
Дил тўрида нафсоний алам,
Оҳ чекасан,
ўрлайди зоринг.

Эй, хор кўнгил, хокисор кўнгил,
Дард чекканда тўлғангай оринг.
Қайғу-шароб тотинма куйиб,
Андуҳ чекиб синмасин торинг.

Муслима ҲАМРОЗ
15.08.2025 йил