Бир ёниб…

Телба бу дунёда телбадек яша,
Портлаб кетсин майли тутқун қафаслар.
Ҳаётнинг кўзида қўрқув ва ҳадик,
Бўғзингда тутақар ожиз нафаслар.

Телбавор кўнглингни нечун аврайсан,
Безовта этганда ҳо-ю ҳаваслар.
Бир дардкаш тополмай кулдинг, йиғладинг,
Кўнглингнинг тубидан келар минг саслар.

Қолиб кетди кўкқуш кўнглинг тубида,
Қанот ёзмоқликка қўймас нокаслар.
Вулқондай отилиб чиқолсанг, чиққил,
Бир ёниб сўндингми, тўзғир хор-хаслар.

Муслима ҲАМРОЗ
27.12.2025 йил