Фикр ҳақида ўйлар.

Не кенг кўламларда фикрлар учгай,
Чексиз оламни бир зумда қучгай.
Фикрнинг сийрати муқаррар эди,
Унинг суратини олим кашф этди.

Тўлқиндек фазода учаркан фикр,
Қандай соз бўлмаса асло фикрда макр.
Фикрнинг доираси беҳисоб кўпдир,
Эзгу фикр-ўй иймон учун хўбдир.

Ҳар қандай фикр онгда пишиб етилгай,
Тил тебраниб нутқда сўнг сўз айтилгай.

Умумлашар сабаб, оқибат, ҳукм,
Хулосалар айни фикрда бир туркум.

Фикрнинг ҳеч туби йўқ, чеки йўқ ажаб,
Айтилган сўз боқсанг ўқдайин ажаб.

Фикрларни унсиз ҳам бўларкан уқиб,
Кўз-у жисмингизга гар ўтса юқиб.
Беъмани фикрни қувлаб сол йироқ,
Инчунин, эзгу ҳар фикринг муҳимроқ.

Машваратда теран фикрат афзалдир

Баркамол бўлганга ҳаёт гўзалдир.

Ижодманд ўй-фикрлар қайнар булоқдек

Тезкор фикрлар илиб кетгай улоқдек.

Заковатдан келар фикрати ноёб

Тинглай ол баёни бўлгайдир рўёб.

Элимизда нақл бор аввал фикр қил,
Турфа оламга боқ сўнгра шукр қил,
Ўзлигингни дилда англаб зикр қил.

Муслима Ёдгорова