келолмайди

Кетолмайди, тақдир уни ипсиз боғлаган,
Томошагоҳ кўзгусида
туйнуксиз макон.
Дарди оғир, дақиқалар
кўксин доғлаган,
Бир ҳовуч чўғ куйдиради бор-у будини.
Дунёларга сиғмаган қушим.

Келолмайди, қалбга туташ йўллари олис,
Оғир синов бошлаб кетган, етгайми чидам.
Нағмасини чалиб турса чолғучи иблис,
Ҳар адашган ўйларида тугилмиш сиртмоқ.
Дунёларга алданган қушим.

Манзилида қолмоқ азоб, бегона юрак,
Ўз-ўзига етолмаган ёлғончи туйғу.
Нур толаси зиёсидан
топгайми тиргак,
Ойдин йўлга чоғланганда ич-ичдан истаб.
Дунёларга тўймаган ҳушим.

Муслима ҲАМРОЗ
11.03.2026 йил