Ёмғир

Йиғлаб-йиғлаб чарчади булут,
Ўзанига сиғмайди анҳор,
Қудуқ-мешкоб дилдираб турар,
Сой шарқираб чопқиллар ночор,
Ёмғир менинг кўзимга ёғар.

Қалдирайди ўт сочиб чақмоқ,
Ёмғир ёғар соғинган кунинг,
Осмонимнинг кўрки камалак,
Тўйиб бўлмас шавқига унинг,
Ёмғир менинг кулбамга ёғар.

Гала-гала сузади булут,
Ўркачида ҳовузнинг юки,
Тарнов нили ғулдираб қолар,
Жала ювса борлиқни, токи,
Ёмғир менинг кўнглимга ёғар.

Муслима ҲАМРОЗ
06.04.2026 йил