Гулоби ифори

Қип-қизил атиргул ёғду гулоби,
Гулдайин муаттар оташин туйғу.
Бағримни куйдирар боққаним сайин,
Ёқутдек жилваси қалбимга уйғун.

Кўнглим косасида тобланган нолам,
Қамишнай бўғзида қайнар буғланиб.
Гулоби қонимда қалқийди жоним,
Мойчироғ ёнгайми энди
чўғланиб.

Сархушман ифори сабо кафтида,
Қалбимга кўчади майин титроғи.
Ёрқин хаёлларим унга парвона,
Қуёшдан нур ичар гулгун япроғи.

Муслима ҲАМРОЗ
07.05.2026 йил