Сев

Шайдойи сев ҳаётни, ҳузури дил сев,
Бағри очиқ одамнинг тилаги ёрдир.

Савдойи сев баётни, мақоми дил сев,
Юксалтиргай кўнгилни, навоси бордир.

Гирёна сев ёрингни, Ёр ишқида сев,
Қалбинг нурларга тўлсин, садоқат васфи.
Шукрона, сев борингни, борлиқ ўзи – сен,
Бахт ичингда гуллайди
саодат васли.

Севиниб сев онанги, жонга жон деб сев,
Дилда яхшилик унса гўзалдир бари.
Онангдай сев ватанни, шонга шон деб сев,
Руҳлан, парвоз этолгин ҳуррият сари.

Муслима ҲАМРОЗ
28.08.2026 йил